عضة نملة ترسل فنانة سورية إلى المستشفى

الدار / زينب الحريتي

شاركت الفنانة السورية سارة نخلة متابعيها على الأنستغرام، صورة لها داخل أحد المستشفيات إثر تعرضها لوعكة صحية.

وكتبت "أنا أول مرة بعمل الحركة دي ولا عمري حبيت حد يشوفني تعبانة أو ضعيفة بس الحوار غريب شوية أو شويتين الحقيقة روحت البيت بعدين حسيت بوجع رهيب روحت المستشفى و عملت نقدر نقول نصف عمليه عشان التخدير كان موضعي عشان مش عارفة استحمل الألم بس غير أننا كان عندي برد أصلا و بقالي أربع أيام مش بأكل كويس ومش بنام كويس و كل شوية بدوخ".

وتابعت تدوينتها" بس السبب اللي دخلني المستشفى بالليل وبكل بساطة هو نملة، صدقوني نملة… تخيلوا لما تبقوا طول الوقت بتحاولوا تبقوا أقوى وكويسين وتيجوا على نفسكوا وفي الآخر نملة تدخلكو العمليات."

وأضافت"ببساطة نملة قرصتني عملت التهاب بعدين خراج وكل ذا أنا فاكرة انها ناموسة عادية عشان أنا جسمي حساس جدا بس وصلت لدرجة بالليل إني مش عارفة اقعد دقيقة من الوجع والسخونية والدوخة ودخلت الطوارئ على طول و الدكتور فتح الخراج طبعا كنت بموت من الوجع بس الحمد لله عدت على خير".

وختمت تدوينتها "الحمد لله على كل حال وأنا في بيتي دلوقتي بس يا رب أبقى أحسن والجرح يلم بسرعة عشان اقدر أوقف ثاني".

يذكر أن سارة نخلة ممثلة ومذيعة سورية، حصلت على لقب ملكة جمال سوريا لسنة 2015 ووصيفة ملكة جمال العرب.